Duela urtebete hasita (2024), Euskal Herriko parke naturalen proiektuari bukaera eman diogu Gorbeiako natura parkean. Eta horretarako agian gutxiago ezagutzen den eremutik egin dugu ibilbidea: Sarriatik (Murgia, Araba).

Sarrian (Murgia, Araba) gaude hamabost (15) mendizale. Bertan kokatzen da gutxiago ezagutzen den Gorbeia natura parkearen interpretazio zentroa. Oso inguru ederra da; jendetsua uda partean, bertan Baias ibaiak osatzen dituen putzuak erakargarriak bihurtzen direlako bero garaian. Helburua Gorbeiatik Muruara zeharkaldia egitea da, gure Euskal Herriko natura parkeen proiektuaren azken irteera eginez. Elurra dugu mendi gainetan, baina ibiltzeko eguraldi aparta. Puntu hauetatik pasatuko gara: Igatz zubia (1.2 km); Aldarro aterpea (3.2 km); Constantino borda (6.1 km); Gorrostiano aterpe itxia (6.7 km); Gorbea gaina (9.8 km); Pagazuri (11.7 km); Gonga (14.3 km) eta Murua (18,5 km). Ibilbidea aparta da. Ikusmira ederrak eskaintzen duena, eta arrisku gabekoa.